මළ ඉර බසිනා සැන්දෑ යාමේ
ඔබගෙන් සමු ගන්නම්
අඳුරට ඉඩදී අඳුරේ සැඟවී
ඔබගෙන් වෙන්වී මම යන්නම්
නිදි නැති යහනේ රෑ යාමේ
කාන්සියේ ඔබ හිඳිනා වේලේ
සුලඟේ දැවටී ඔබට හොරෙන්
මම ඔබ වෙත එන්නම්
සියුමැලි දෑතින් ඔබ හිස අත ගා
ඔබ නිදි කරවා මම යන්නම්
අළුයම පිබිදෙන ඔබගේ දෑසේ
මල් පෙති අග පිනි කඳුලක් රඳවා
සුසුමක් වාගේ ඉන් පිටවී
ඔබගෙන් වෙන් වෙන්නම්
අඳුරට ඉඩ දී අඳුරේ සැඟවි
ඔබගෙන් වෙන්වී මම යන්නම්
ගායනය: ඩබ්.ඩී. අමරදේව
පද රචනය: මහගමසේකර
සංගීතය: ඩබ්.ඩී. අමරදේව
Click to rate this post!
[Total: 1 Average: 3]
Leave a Reply