ඔසරි පොටින් අදින්නෙපා වලාකුළයි ඉරෙන්නේ
රිදී පොටින් අදින්නෙපා තරු දෙපොටයි කැඩෙන්නේ
මූණට මගෙ එබෙන්නෙපා හඳ එළියයි නිවෙන්නේ
හැමදාමත් ඔච්චම් නෑ ඕලු විලට පනින්නේ
පෙතං කැලේ වළිකුකුළෝ මට පෙනි පෙනී නටනවා
අත්තන මල මං දැකලා බමර තුඩේ වෙළෙනවා
බිනර මහට කළුවර දී මේ පෝයත් ගෙවෙනවා
උසුළු විසුළු කළා නොවෙයි අපි වෙනතක් බලනවා
පටසළුපිළි කසී රටේ වෙල පෙති දිගේ වඩිනවා
මාල වළලු අපට ගෙනා තරු අතර දිළෙනවා
ගමේකමට බහ දීලා ගමේ කතා හැදෙනවා
උසුළු විසුළු කළා නොවෙයි අපි වෙනතක් බලනවා
ගායනය: නන්දා මාලිනී
පද රචනය: ලූෂන් බුලත්සිංහල
සංගීතය: ගුණදාස කපුගේ
Click to rate this post!
[Total: 0 Average: 0]
Leave a Reply